Просмотров 14
Молитва о Святой Руси
Господи Боже сил, Боже спасения нашего, призри в милости на смиренныя рабы Твоя, услыши и помилуй нас: се бо брани хотящия ополчишася на Святую Русь, чающе разделити и погубити единый народ ея. Возстани, Боже, в помощь людем Твоим и подаждь нам силою Твоею победу. Верным чадам Твоим, о единстве Русския Церкви ревнующим, поспешествуй, в духе братолюбия укрепи их и от бед избави. Запрети раздирающим во омрачении умов и ожесточении сердец ризу Твою яже есть Церковь Живаго Бога, и замыслы их ниспровергни. Благодатию Твоею власти предержащия ко всякому благу настави и мудростию обогати! Воины и вся защитники Отечества нашего в заповедех Твоих утверди, крепость духа им низпосли, от смерти, ран и пленения сохрани! Лишенныя крова и в изгнании сущия в домы введи, алчущия напитай, недугующия и страждущия укрепи и исцели, в смятении и печали сущим надежду благую и утешение подаждь! Всем же во дни сия убиенным и от ран и болезней скончавшимся прощение грехов даруй и блаженное упокоение сотвори! Исполни нас яже в Тя веры, надежды и любве, возстави паки во всех странах Святой Руси мир и единомыслие, друг ко другу любовь обнови в людях Твоих, яко да единеми усты и единем сердцем исповемыся Тебе, Единому Богу в Троице славимому. Ты бо еси заступление, и победа, и спасение уповающим на Тя и Тебе славу возсылаем, Отцу и Сыну и Святому Духу, ныне и присно, и во веки веков. Аминь.- Собор Святой ТроицыСтраница приходаРусская Православная Церковь, Чувашская митрополия, Чебоксарская епархия, III благочиннический округ
- 2 мая 202419 апреля 2024 (по ст.ст.)ЧетвергСедмица 48-я по ПятидесятницеМученики Феона, Христофор и Антонин НикомидийскиеПреподобный Иоанн Ветхопещерник, иеромонахБлаженная Матрона Московская (Никонова)Священномученик Пафнутий Иерусалимский, епископСвятитель Георгий, епископ Антиохийский (Писидийский)Святитель Трифон, патриарх КонстантинопольскийПреподобный Никифор Катавадский, игуменСвятитель Виктор (Островидов), епископ ГлазовскийМученик Антонин НикомидийскийМученик Феона Никомидийский, воинМученик Христофор НикомидийскийЛк.22:1–39, 1Кор.11:23–32, Мф.26:1–20, Ин.13:3–17, Мф.26:21–39, Лк.22:43–45, Мф.26:40–27:2, Ин.13:1–11, Ин.13:12–17
-
Свежие записи